|

Laura Tuero: «Hai coses bien cencielles de facer pa desarrollar el Plan de Normalización Llingüística de Xixón»

Reunión de Podemos-Equo Xixón y Podemos Asturies con Iniciativa pol Asturianu

La vocera de Podemos-Equo nel Ayuntamientu y Daniel Ripa, secretariu xeneral de Podemos Asturies, aconceyaron con Iniciativa pol Asturianu

Laura Tuero, vocera de Podemos-Equo Xixón recordó, tres un alcuentru con representantes d’Iniciativa pol Asturianu lleváu a cau esti xueves, que’l Plan de Normalización Llingüística de Xixón aprobóse nel plenu del pasáu mes d’agostu y «hai coses bien cencielles de facer pa desarrollalu. La web del Ayuntamientu camudóse va un añu pero desapaeció la versión n’asturianu, va un añu que dende la Oficina de Normalización Llingüística tán tornando conteníos al asturianu pero, naide sabe por qué, nun tán subiendo nada a la web municipal».

La conceyala comentó qu’Iniciativa pol Asturianu «reclamónos visibilidá del asturianu nes campañes del Ayuntamientu. Ponen como exemplu que la programación del Teatru Jovellanos facíase en castellanu pero al menos los meses taben n’asturianu, y agora nin siquiera eso: desapaeció dafechu l’asturianu. N’Emtusa y n’Emulsa tán faciéndose bien les coses, pero hai que meyorar dalgunos aspectos. Por exemplu, nuna de les últimes campañes d’Emulsa taba mal la torna, con castellanismos y espresiones que nun s’usen. Pídennos un mayor procuru en tolo que se faiga dende les empreses municipales».

Podemos Asturies

Amás de Laura Tuero, col colectivu que preside Iván Llera aconceyaron Antón Caamaño, Pablo Martínez Testa y Daniel Ripa. El diputáu y secretariu xeneral de Podemos Asturies dixo que «tien qu’empezar el procesu de diálogu pa una reforma estatutaria qu’oficialice l’asturianu y el gallego-asturiano, qu’asegure el fin de la discriminación llingüística. Ye’l momentu de comenzar un diálogu que remate cola oficialidá en 2021». Pide «un diálogu ampliu, una reforma del Estatutu d’Autonomía qu’incorpore al mayor númberu posible de fuercies polítiques y de sensibilidaes ideolóxiques, col fin de que toles persones n’Asturies tengan los mesmos derechos, falen la llingua que falen. Cada vez ta más aceptao socialmente que la llingua ye un patrimoniu de toos y toes, al marxe de la ideoloxía». 

Considera amás que nun momentu como esti, coles amenaces derivaes del andanciu del coronavirus, «la oficialidá puede suponer un pegoyu pa la protección de derechos, pa la protección social y tamién pa la reactivación económica».

El secretariu xeneral de Podemos Asturies dixo tamién que «hai qu’acabar cola situación de precariedá y desprotección del profesoráu d’asturianu, que nun dispón d’una especialidá docente en llingua asturiana». Nesi sen, añadió, «ye una xera que-y ponemos al Gobiernu de coalición en Madrid, que ye’l que tien qu’acabar con una situación inxusta pal profesoráu d’asturianu».

Copyright ©2020 PODEMOS-Equo Xixón | Aviso legal | Política de privacidad | Política de cookies

Nuestra web utiliza cookies para mejorar la experiencia del usuario. Puede leer más sobre las cookies en la página de la cookies para más información, o puede aceptar su uso en el botón ACEPTAR.

Ajuste de cookies

Debajo puede elegir qué tipo de cookies quiere permitir en esta web. Pulse en "guardar ajustes de cookies" para que los cambios tengan efecto.

FuncionalesCookies necesarias para el buen funcionamiento de la web.

AnalíticasCookies necesarias para el análisis de los visitantes de la web a efectos estadísticos.

Redes SocialesCookies de redes sociales como YouTube o Facebook, que pueden proporcionar contenido externo a la web. Podrían conectar con su cuenta personal en dichas redes.

PublicidadCookies para mostrar contenido y anuncios personalizados.

OtrasCookies de otros servicios y funcionalidades externas de la web.